Áskirkja

 

Miðvikudagur 5. júní kl. 20.00

 

Kór Áskirkju heldur stofutónleika í safnaðarheimili kirkjunnar.
Kórfélagar flytja rammíslensk kórlög í bland við einsöng, dúetta, kvartetta og fjöldasöng.
Stjórnandi er Magnús Ragnarsson.

Kaffisopi, vöfflur með sultu og rjóma og fleira bakkelsi.

Aðgangseyrir aðeins 1.500 kr.
Kaffi og kruðerí er innifalið í miðaverði.

Magnús Ragnarsson, 3/6 2013

Sunnudagurinn 2. júní 2013 – Sjómannadagurinn

Messa kl. 11. Viðar Stefánsson guðfræðinemi prédikar og aðstoðar við altarisþjónustu sem sr. Sigurður Jónsson sóknarprestur annast. Kór Áskirkju syngur, organisti Magnús Ragnarsson.

Sigurður Jónsson, 31/5 2013

Laugardagur 1. júní 2013 – Gospelkvöld kl. 19:30

Gospel-kórarnir Corallerne & UpRising frá Danmörku syngja.  Aðgangur ókeypis.  Að samverunni lokinni selur Safnaðarfélag Ásprestakalls léttar kaffiveitingar í safnaðarheimilinu til styrktar safnaðarstarfi Áskirkju.  Verð kr. 1.000.

Sigurður Jónsson, 29/5 2013

Sunnudagurinn 26. maí 2013 – Þrenningarhátíð

Messa kl. 11:00.  Séra Irma Sjöfn Óskarsdóttir prédikar og þjónar fyrir altari.  Kór Áskirkju syngur, Magnús Ragnarsson leikur á orgelið.

Sigurður Jónsson, 22/5 2013

19. maí 2013 – Hvítasunnudagur

Messa og ferming kl. 11. Sr. Sigurður Jónsson sóknarprestur prédikar og þjónar fyrir altari ásamt Viðari Stefánssyni guðfræðinema. Kór Áskirkju syngur, organisti Magnús Ragnarsson.

Guðsþjónusta á hjúkrunarheimilinu Skjóli kl. 13 í umsjá sr. Sigurðar Jónssonar. Organisti Magnús Ragnarsson. Vandamenn heimilisfólks velkomnir.

Annan hvítasunnudag verður ekkert helgihald í Áskirkju.

Sigurður Jónsson, 15/5 2013

Sunnudagur 12. maí 2013 – Sjötti sunnudagur eftir páska

Útvarpsmessa kl. 11. Séra Sigurður Jónsson sóknarprestur prédikar og þjónar fyrir altari ásamt Viðari Stefánssyni guðfræðinema. Kór Áskirkju syngur, organisti Magnús Ragnarsson. Kaffisopi eftir messu.

Sigurður Jónsson, 10/5 2013

9. maí 2013 – Uppstigningardagur – Kirkjudagur aldraðra

Guðsþjónusta kl. 14.  Sr. Sigurður Jónsson sóknarprestur prédikar og þjónar fyrir altari.  Kór Áskirkju syngur, organisti Magnús Ragnarsson.  Kirkjukaffi í boði Safnaðarfélags Ásprestakalls að guðsþjónustu lokinni.

Sigurður Jónsson, 6/5 2013

Sunnudagur 5. maí 2013 – Fimmti sunnudagur eftir páska: Guðsþjónusta og kirkjukaffi Átthagafélags Sléttuhrepps

Guðsþjónusta kl. 14 með þátttöku Átthagafélags Sléttuhrepps. Athugið breyttan messutíma að þessu sinni. Ræðumaður verður Stefán Þór Sigurðsson frá Skriðu á Látrum í Aðalvík. Séra Sigurður Jónsson sóknarprestur þjónar fyrir altari. Kór Áskirkju syngur, organisti Magnús Ragnarsson. Kirkjukaffi Átthagafélags Sléttuhrepps (gjald kr. 1.500) í safnaðarheimili Áskirkju að guðsþjónustu lokinni.

Sigurður Jónsson, 3/5 2013

Kór Áskirkju flytur enskar kórperlur í Laugarneskirkju 1. maí.

Kór Áskirkju heldur árlega vortónleika sína 1. maí næstkomandi. Tónleikarnir verða í Laugarneskirkju og bera yfirskriftina If ye love me. Á efnisskrá eru enskar kórperlur frá ýmsum tímum, bæði veraldlegar og kirkjulegar, eftir nokkur af helstu tónskáldum Breta m.a. Vaughan-Williams, William Byrd, Benjamin Britten, John Dowland, ThomasTallis og Edward Elgar. Nokkur verkanna eru tónlistarunnendum að góðu kunn en önnur heyrast sjaldan flutt  á tónleikum hér á landi. Stjórnandi er Magnús Ragnarsson.
Sem fyrr segir verða tónleikarnir í Laugarneskirkju og hefjast kl. 20.
Aðgangseyrir er 2.000 kr.

Magnús Ragnarsson, 30/4 2013

Sunnudagurinn 28. apríl – Fjórði sunnudagur eftir páska

Barðstrendingaguðsþjónusta kl. 14:00. Athugið breyttan messutíma að þessu sinni. Félagar úr Barðstrendingafélaginu í Reykjavík taka þátt. Séra Sigurður Jónsson sóknarprestur prédikar og þjónar fyrir altari. Kór Áskirkju syngur, organisti Magnús Ragnarsson. Barðstrendingakaffi verður að guðsþjónustu lokinni í Breiðfirðingabúð, Faxafeni 14.

Sigurður Jónsson, 25/4 2013

Sóknarprestur Ásprestakalls er séra Sigurður Jónsson.
Viðtalstími sóknarprests er eftir samkomulagi.
Senda tölvupóst
Farsími: 864-5135.
________________________

Áskirkja skrifstofa:
Sími 588-8870.
Senda tölvupóst

Myndasíða kirkjunnar á Flickr

Þriðjudagur

Kl. 09:30 Bænastund á Dalbraut 27, setustofu í kjallara, í umsjón Þorgils Hlyns Þorbergssonar guðfræðings.
Kl.14:00 Samverustund Djákna á Norðurbrún 1, fyrsta og þriðja þriðudag í mánuði.
Kl. 14.00 Samverustund Djákna á Dalbraut 27, setustofu á 2.hæð. Annan og fjórða þriðjudag í mánuði.
Kl. 14:30 Helgistund í Fríðuhúsi, annan og fjórða þriðjudag í mánuði í umsjón sóknarprests.
Kl. 20:00 Spilakvöld, valin kvöld, Safnaðarfélags Ásprestakalls í Dal, neðri hæð.
Upplýsingar hjá Láru 695-7755.
Kl. 19:00 Kóræfing í Ási, efri hæð-Vocalist. (stjórnandi Sólveig s.694-3964)

Dagskrá ...