Áskirkja

 

Safnaðarsalir og útleiga

Kirkjan:

Hið þríhyrnda form kirkjuskips Áskirkju er vel þekkt enda sést kirkjan víða að í borginni. Staðsetning hennar er með því besta sem gerist í Reykjavík þar sem hana ber yfir Laugardalinn.  Kirkjan sjálf er hlýleg að innan og margir hafa nefnt það meðal kosta hennar hversu vel hún nær að halda utan um kirkjugesti sína. Lofthæð kirkjunnar er mikil og aflíðandi með einfaldri en samt glæsilegri lýsingu sem minnir á stjörnur. Hljómburður hefur reynst góður í byggingunni og því er kirkjan alloft leigð út fyrir tónleika. Sjá myndir.

Safnaðarsalir:

Sá stærri heitir Ás og er á efri hæðinni, þ.e. sömu hæð og kirkjan sjálf, og tekur fulldekkaður um 160 manns í sæti. Salurinn skartar mikilli lofthæð og afar háum gluggum. Loftlýsingin er sú sama og er inni í kirkju. Sjá myndir.

Hinn minni sem nefndur hefur verið Dalur er á neðri hæð kirkjunnar og tekur fulldekkaður um 80-90 manns í sæti.  Þessi salur hefur fallega stóra glugga til tveggja átta sem bjóða uppá stórkostlegt útsýni og sjónræn tengsl við Laugardalinn og miðborgina. Sjá myndir.

Safnaðarsalirnir eru leigðir út fyrir fundi, erfisdrykkjur, brúðkaups-, skírnar-, fermingar- og afmælisveislur samkvæmt sérstökum reglum þar um.

Nánari upplýsingar um útleigu:

Aðalheiður Frantzdóttir og Berglind Ragnarsdóttir kirkjuverðir í síma 581 4035 eða með tölvupósti

Veisluhald safnaðarsala er í höndum Petreu Aðalheiðar Ómarsdóttur, húsmóður safnaðarheimilis, í farsíma 891-8165.

 

 

 

 

Áskirkja, Vesturbrún 30, 104 Reykjavík. Sími 581-4035 og 588-8870 , fax 581-4060 · Kerfi RSS