Áskirkja

 

Organisti í Ássókn

Ássókn í Reykjavík auglýsir laust til umsóknar starf organista.  Um er að ræða 70% starf.

Gerð er krafa um að umsækjendur hafi kantorspróf frá Tónskóla eða sambærilega kirkjutónlistarmenntun og æskilegt að þeir hafi jafnframt reynslu af kórstjórn.

Leitað er að einstaklingi sem hefur mikinn metnað og frumkvæði, býr yfir framúrskarandi hæfni í mannlegum samskiptum og er tilbúinn til að leggja mikið af mörkum til eflingar tónlistarstarfs í Áskirkju.

Umsóknarfrestur er til 25. ágúst 2017 og ráðið verður í starfið frá og með 1. október 2017, eða samkvæmt samkomulagi.

Umsækjendur skulu fylla út meðfylgjandi eyðublað, sjá https://innri.kirkjan.is/pdf/samthykki-fyrir-oflun-upplysinga-ur-sakaskra.pdf og láta það fylgja umsóknum sínum.

Sóknarnefnd Áskirkju tekur ákvörðun um ráðningu.

Laun miðast við launataxta kjarasamnings Launanefndar Þjóðkirkjunnar og Félags íslenskra organleikara.

Frekari upplýsingar um starfið veita Kristján Guðmundsson, formaður sóknarnefndar í síma 820 6680, tölvupóstur saevo74@gmail.com og sr. Sigurður Jónsson, sóknarprestur, í síma 864 5135 og tölvupóstur soknarprestur@askirkja.is.

Umsóknum, ásamt fylgigögnum (prófskírteini, ferilskrár), skal skilað rafrænt til Kristjáns Guðmundssonar, tölvupóstur saevo74@gmail.com.

Sigurður Jónsson, 10/8 2017 kl. 15.31

     

    Áskirkja, Vesturbrún 30, 104 Reykjavík. Sími 581-4035 og 588-8870 , fax 581-4060 · Kerfi RSS